الجمعة، 9 أكتوبر، 2009

ومشيت...




ومشيت وحيد طول الطريق
تقولشى ناسى جنبى حبيب
اهو اللى حصل ....
ورفعت ايدى لربنا
بادعى وباحلم ان انا
القى حبيب......
ردت سماواته الدعا:
قالت ظلمته ولقلبه بعته
ومدام قسيت :
الدعوة مش مستجابة
ولا ليك فيها نصيب

الثلاثاء، 18 أغسطس، 2009

الدنيا ...ناس






الدنيا ناس
الدنيا ناس عايشة وناس اموات
وناس عايشة على اللى فات
وناس تحلم ببكرة الجاى
ناسية ان بكرة مات
وناس عايشة مع الدنيا
شايفة الجمال مش حاجة تانية
ميهمهاش بيحصل ايه
ولاحتى يهتموا باوقات
وناس عايشة باحزانها
مية وهوا يشربوا منها
ويكون كلامهم فى الدنيا
هوا السكات
وناس عايشة بتتفرج
تضرب ماتقلب تتفرج
مابيقولوش بكرة هتفرج
ولاحتى يقولوا يادنيا فى إيه؟
وناس عايشة وبتكابر
جوا الحياة وفى الاخر..
والدنيا فيهم تتاخر
والصبر قال ساكتين كده ليه؟
ردّوم وقالوم هنعمل ايه؟
وناس عايشة صحاب الدنيا
خادوها ورث وبالقايمة
نصيب واخدوه بالعافية
وخد نصيب يزيد عليه
وناس عايشة كما الاموات
مشيوا فى طريق
مليان تراب
مايبانش رايحين
ولا جايين
فى الدنيا مالهومش حساب

الجمعة، 8 مايو، 2009

احلى ملكة






وازاى يا دنيا قسمتك دايما تعذب
تخلى ناس على حظها قايمة تندب
وناستناية بتتضايق وتستغرب؟

عمرى ماكنت فى يوم من دول
لكن النهاردة , بقيت اقرب

ملكة فى جمالها وحسنها
وابص القى جنبها
خنشور كبير , قفا معرّض

طب ليه وازاى ؟
مش شايفة فيه كلمة يا باى.؟
ولا ف بالها وتستعبط ؟

ذوقها بايظ ولا ايه؟
ولا ده اللى اسمه ايه
اللى القلوب بتحس بيه
الحل ده هو الاقرب

بس الكلام ما يلقش عليه
يا احلى ملكة ,
الغلطة فى الحب بتتعب ...

الثلاثاء، 14 أبريل، 2009

نسيت اقول






نسيت اقول
نسيت اقول انى بحب
رغم انها كات ماليه القلب

نسيت اعيش اجمل اوقات
لكن افتكرت اعيش حاجات
جوة العقول بتكون بالذات
تعيش ليالى مكان هواك

نسيت اكون حاسس بقلبى
دايما فى قلبى كنت اخبى
لحد يوم ما زهدت حبى
وقلت ايه اخرتها معاك

فى حاجات كتير انا مش فاهمها
فى حاجات فى قلبى مش حاسمها
عايش معاها ولانسيتها
عايز الجديد ولا اللى فات؟

الجمعة، 13 فبراير، 2009

الرفيق قبل الطريق




قالوا الرفيق قبل الطريق
كلمة حكمة حق وحقيق,
بيهمه اللى يهمك,
ويحس باللى ف قلبك
وحبه ف قلبه ليك
بيخاف عليك
مهتم بيك
ينده يقرب
بيكون قريب ف وقت الضيق
لو :
تقف معاك دنيتك
موش عاملة حسبة لديتك
تعند معاك وتطنشك
تعلنها حرب عليك ,
تلقاه يقف ويالك فريق
بس السؤال:
فين الصديق؟


الثلاثاء، 13 يناير، 2009

ياعالم يا متحضر:




ضمير عالمى زايف
شايف وعامل مش شايف
شايف شهيد وجريح
شايف صواريخ بتطيح
بسلام دايخ
يسكت وهايعمل ايه؟
اذا كان عنده تناقض بايخ
ينقذ قطة او كلب
ويسيب الموت ويسب
مظلوم بيقول انا عايش
**

وقت ميت

كتب القلم وخط الأه
يقول شعور مظلوم فى بلاه
اول ما يصرخ يرموا عليه
والنار بقت مالية سماه
والدمار غطى على عينه
ومعنى العربى فى لسانه تاه
يقف يبص شمال ويمين
يلقى ناس هناك مجانين
بيحاربوا فيه معنى الحياة
والوقت واقف على التلين
يحسب فى شهدا متكومين
ولقى التاريخ فوت سطرين
مكسوف يقول م اللى لاقاه
هيكتب ايه ولا ايه ولا ايه؟
رمى القلم وورق حودايته
قال :
لا اله الا الله