الجمعة، 28 نوفمبر، 2008

يا تعب الفرح



يا تعب الفرح فى قلب قله قسى
غير وشال البهجةاللى تجرى
ف دمه
لدكع دم ما ينكفى
والغربة ورور جواه
تدارى وياها الحياة
والحزن ليه استاذ والدنيا مدرسة
شاغل عيونة بدمعته
وفكره عايش بلوته
وانين صريخ امله
بدا خلاص ينساه
طب حد عايش بلوته؟
او حتى يمسح دمعته؟
كل اللى عارفه....
عارف
لكنه مش معاه
واقف على الشباك والدنيا بتمطر
يحلم يكون هناك
وعيونه بتعبر
بالظبط زى المطر
غريب وعايش بين وشوش غريبة
لكنه ماتغير.
****
رغم السنين بتفوت لكنه ماتغير
برد وضباب وسكون
لما هدى المطر
واتبخرت دمعاته من صهد قلب انفطر
******
وف سماعة التليفون
ساب كل قيد ومانع
ده الوقت مهما يكون
عنده مالهوش مانع
واتعبد للاحباب
بكلام من القلب طالع
رسم لنفسه سراب
طريق وفيه راجع
طيب وايه المانع
مادام صبر ورضى
والحزن ما بقاش قاطع؟؟

الثلاثاء، 18 نوفمبر، 2008

مشتاق ليكى يا نفسى




مشتاق ليكى يا نفسى
مشتاق لكل جميل
لما ابص لنفسى
بقول لاء , مستحيل
فين البراءة والطيابة والجمال
فين الحماس والعزيمة والخيال؟؟
وفين وفين وفين؟؟
فين اللى القلب الكبير؟
راح مع لعب العيال ؟
ايوة...
وجه مكانه قلب بلاستك
يشيل كتير ماهوش محستك
يقبل كلام دبش وينقال
يلقى العدو وهو بيضحك !!
ويضحك حتى على خيبتك ,
لو يوم مسكت ف ذكرياتك
****
مش عاوزه قلب
عاوز قلبى وعايز نفسى
اللى جيت بيهم يا خال

الاثنين، 3 نوفمبر، 2008

سكة طويلة




سكة طويلة وكلها ورد
احلام ونفسى تكون مع حد
حاجات خلاص قربت انساها
راحت ف عقلىلابعد حد..
لكن...
فاضل عليها شوية
حبة معافرة يدوب ع الاد
جم يوم ف حلم,
وفكرونى...
انا قلت خلاص,
لازم تنسونى
وهاجروا من جوايا بجد
ما الحل 1 من 2 :
ياالدنيا تنضف و
يا الحل عند خالق الخلق.


22/7/2008

الأحد، 2 نوفمبر، 2008

sodomسدوم






(1)*
هناك بعيد عند الجبال
تحت صخر وتحت رمال
سر ومات..
وكتير من اوسخ الافعال
لكن ...
لكنه مازال
طب يبقى ليه وازاى؟
هو ده كان السؤال
============
(2)*
حريةو كيت وكيت وكيت
وكلام كتير زيه عبيط
ويقولوا ده نوع م الحب
حب يبصم اوسخ قلب
وبياخد اهله لغريق
لو دى حرية...
يبقى اكيد
حق الخالق انه يشيل ويزيح
ملك وحر فى ملك عبيد..
مش عاوز دوا على ارضه
ودا مية المية من حقه
وف قت عبيده بيتسابقوا
على مين فى ذنوبه بيزيد
===========
(3)*
سدوم :
ملعونة على كل كيانك
انتى ومن كان من سكانك
واللى باقى كمان من احفادك
فى زمن بيكم معيوب
يارب بقى
ارحمنا بقى
وعليهم ارمى وبالطوب
والحل برضه يا تاخدنا ,
يا ياتاخدهم
وعلينا تتوب
جاتهم القرف ملو االدنيا والبلد كمان

10.51 الاحد 2/11/2008


الخميس، 9 أكتوبر، 2008

وياولدى نصحتك






وياولدى نصحتك :
متقولش لحد عيبه
ليه تجيب عداوة؟
خلّيك حبيبه..
واحنا عرب, بنحب المدح
مايبقاش صح
لو قلت عيبه
............
(2)
لو شفت حد ميت على حلم
وشفته ناسى شيئ مهم,
مات من زمان ونسى يهتم
إوعى تقوله...
خليه ف حلمه
جايز يهم..
اصل الحياة جوه الاحلام
اغلى حاجة للإنسان
ويّا الامل بيكونوا برشام
يقدر ويصبر ع الدنيا بيه
فهمت ليه؟
23/9/2008 رمضان

الثلاثاء، 23 سبتمبر، 2008

شفرات نفسية





(1)
ساعة تكون مليانة بجنون
واللى يكون ..
زى مايكون
حلم وعاوز ليه كام يوم؟
ميهمش
بس الساعة دية تدوم
كله بيعمل تحت اديها
عايز يلقى نتيجة فيها
وتفاؤل للى بعديها
ساعة حظ من غير شوم

(2)
رقصة مريم
رقصة سامر
رقصة ناتالى
رقصة نادر
نفس الرقصة...
نفس الفلفصة جوة الشبكة
نفس النهجان
نفس الخوف
نفس الاحزان
نفس الحركة
واللى بيتفرج :
نفس العين وفيها الشهقة
لكن مش نفس الازمان,
حاجات بسيطة هى الفارقة

(3)
نفس السؤال
عن شيئ عمره مانقال
او ممكن انقال...
هناك بعيد فوق الجبال
وبلغة تانية
ولجنس تانى
وف كون تانى
لكن بنفس الحال
جوّاه تركة هموم
سؤالات تغطس تعوم
من معنى كلمة اتقال..

(4)
إستحضار الارواح
الكشف عن غير المباح
لعبة جنون..
لكن ف قلبى ليها ارتياح
يمكن لضعفى وكونى انسى؟
كائن احادى وياما نفسى؟
وطرق كتير خليتنى امشى,
ف مكان غلط
واختار غلط
وحاجات كتير قتلت ارادتى؟
يمكن كده ينشد عودى
ويقوى صفى؟؟
اكيد

(5)
سؤال وجواب
وراحة اجابة..
ونوم كسل من شغل دى غابة
لكن ضمانك ايه لو تلقى
شيطانك مش واخد اجازة؟
اخد عقلك ونزل هناك
يقطع سؤال سبب بلاك
يفتح ببان للتفكير
يفتح ببان لحاجات كتير
تقلق منامك
ومنام كتير جواك؟؟

(6)
قرب كمان
يا ضيف ومستنيه زمان
كل الكلام مانقال هنفهم
طول ما الحروف فينا بترسم...
مشوار حياة
يبقى اللسان فينا هيقسم :
السر هنا كان منتهاه
* وتبقى شاطر لو تنزعه
من جوه قبره تطلعه
ان كان بعربى ولا ايه
سيريانى حتى ليك فيه
** مفتاحه حرف ورصعه

(7)
فى الموت ..
فى النوم..
إشارة
كود شفرة وليه امارة
مبعوت لينا من عنده
يمكن نفهم ف عبارة....
ساعات نلقط الكود,,
ساعات كتير بيفوت
معنى يعيش او يموت
انتا وكللك شطارة
16/9/2008 2.30 م

عندى ولد





هو قال :
خلينا نكون اصحاب تانى
ننسى اللى كان ,
ونغنى ف الحب اغانى..

هى قالت :
مبقاش ينفع,
بقى عندى بيت وولد صغير

هو قال:
طب حتى صحاب

هى قالت :
ودى مش تنفع
ليه بس غاوى تتحير

هو قال:
بحبك

هى قالت :
ابنى جاى بيجرى هناك
جه بالعافية م الدنيا,
جه بالمعافرة والعناد,
كان صعب زى شقة الايام دى...

هو قال :
بدأت تمطر,
ياللا تحت السما نجرى

هى قالت:
اجيب ابنى لا يتزحلق
واشيل المنشور عندى

23/9/2008

الأحد، 31 أغسطس، 2008

حاول ترسمنى



حاول ترسمنى ف ورقة
إجمعنى بخط ودايرة
خلينى رسم جميل
شمس ونجم وقمرة
ولد وبنت سمرة
يلعبوا وبفرح كبير
خلينى اكون احساس
يسعد بيه كل الناس
لو بصوا جوه الرسمه
رسمة الوانها طفوله
حواديت اشقيا مجنونة
تتمنى تعيشها مرة
خلينى احسها
اكون ف وسطها
إجمعنى بيهم مرة

الأحد، 3 فبراير، 2008

ولسة الحياة

ولسه الحياه ما بتنتهيش
ولا يوم بتسكن
ولا يوم بتحزن
على حزن لينا
احزاننا عندها ما تساويش
إسمها دنيا ,
حاجة واطية
مليانة كبر على مفيش
مهم بس تمشى
وإنتا إيه؟
مجرد مخلوق ضعيف


06/12/05

الاثنين، 28 يناير، 2008

يا نااااااس


يا نااااس ياهووووو :
انا حبيت
وبقيت مسهر للفجر
بقلب وحيد
ليه بسى كل ده؟
ياريت ينوبنى م الرضا
ولو فتافيت
معرفش ليه انما
عندى شعور بالغنا
مادام حبيت
يكفينى ليل السهر
ويكفى قلبى النظر
على يوم فى حب جديد
يقوم نهار ويطلع
اقوم وكلى سعيد
والنية ف قلبه ازرع
وحبى ليه بيزيد
انهج...واشيل هموم
ويوميتى نظرة
قام مانعها ف يوم
دى تبقى ايه يا ناس
موش يبقى اسمها سخرة؟!
اكمن قلبى اجير
عنده يشيله بهموم
لكن
انا ربى كبير
وحاسس بالمظلوم
يا رب
ليك بقولها:
امتى الفرج والنصرة
امتى الفرج والنصرة؟؟؟

يا ليل


يا ليل يا ليل يا ليل
انا قلبى تعبان فيك
يا ليل يا ليل يا ليل
سوادك كتّبنى شيك
كام الف نقطة حزن
والدفع: سهر لياليك
انسى الساعات والناس
وحياتى تبقى فيك

الخميس، 3 يناير، 2008

وبحب


وبحب السفر وكانه عشق
متقولش ليا معنديش حق
اصل ف حركتى
كتير راحتى
بدل ما اطق

بحب واعشق ف السما
وارفع عيونى كتير ليها
مبطقش عينى تكون ع الارض
يكفى اللى شايفه كتير فيها
هما يدوبك....ف السما
طيور والوان مولوده بيها
**** مرة سالت سؤال لنفسى
الارض والسما ورمل..وبحر,
تيمة واحدة
حد يوم قال موش مشتهيها؟؟
لكن عمار الارض ومبانيها,
البرج ولا المول ولا المصنع
تسجن عيون تبص ليها
اتخيل لو السما....
هتقول يالهوى
لكن...هبص لما بعديها

وبحب كل صغير
لسّاه ماتلونش
انسان او حتى اخضر
ماددام ماكبرش
ماهو لما يكبر بيبقى.....
ولا احسن ما اقولش
( بالذات البنى ادم)

وبحب دايما احلم بالليل او بالصبح
اصل الحلم عدو
لمفيش فايدة ومعلهش
وده اللى باقى بجد

احلم بالليل باماكن
واتفرج على كام وش


ولو الجهل غلب:
بحلم واقول ياريت
ويا...ريت اخت معلش

معلش بقى...
الجهل مايتغلبش
(بالذات عندنا)
وبحب اشوف ناس
بيوت وشوارع زحمة
والحلم قالوله هيش
بدل الحلم نفكر
فى الجنس ولا الكورة
او اكل ولا لبس
وكده تعظيم سلام


وبحب استعرض حزنى
واقول اخرتها ايه
بعدها بشويه اغنى
واقوله يا حزن:
بس
وبحب دايما انسى
ياهينى على دى نعمة
بير وبارمى فيه,
الظلم والخيانة ونفوس رخيصة جبانة
وحلم موش لاقيه