الثلاثاء، 30 نوفمبر، 2010

لما بتكون لوحدك




سئلت نفسك سؤال؟؟

بتعوز ايه لو كنت وحدك؟؟

عارف تجاوب ولا اقولك؟؟

ممكن تشوفها اجابة سهلة

لكن الجواب عاوزله مهلة

ماهوش كلام يترص وبس

ماهوش كده اى عبط

الوحدة وحشة

بالذات لو دنيتك كانت قفشة

وياسلام ...

ياسلام بقى لو صحابك واهلك كانو هناك

وانتا هنا بتعد وقتك

الوحدة برضه بتبقى وحشة

لو كنت عايش فيها بمبدأ

ان كنت عايش فيها بطل

هتشوف ايامك فيها احلك

هتسب هتلعن

يوم ماجابك فيها اهلك

وهتبقى اصعب ,

وقت الاسود ماراحت السيرك

وقت الفوارس ماعدو السلك

وقت ماكل كلب فيها بيسلك

الوحدة اصعب لما تعيش

ماتلاقى نصيب ليك ف وطنك

ماتلاقى حتة تمشى فيها

ماتلاقى حتة تبكى فيها

لو يوم تعبت من همك

الوحدة اصعب لما... ولا بلاش

وكفاية كده ياعم

الجمعة، 10 سبتمبر، 2010

وبس على كده




حاسس انى تعبت
اه وكمان فيصت
وكمان اتغلبت
م الدنيا
ومن نفسى
وحاجات مالهاش عدد
مش فاكرها كلها
بس فاكر منها
شوية حاجات عاملة التعب
اولها عمرى
تانيها قلبى
تالتها عقلى
رابعها بيتى اللى انخرب
اقول كمان؟؟
عن المكان ولاالزمان
اللى انسان فيه اتوجد ...
ماهوش عاجبنى
ولا اى حاجة
مابقتش بحلم
مابقتش بندم
مابقتش بارسم خطة لبكرة
ماهو كل ترتيبى انضرب
يبقى اعملها تانى ليه؟؟؟
مابقتش بعمل حاجة الوقتى
غيرالتعب
وغيرالدعا ارحم يارب
ياتشوفلى حل
ياتشوفلى حل
ياضيفنى ساكن ف الترب

الاثنين، 12 أبريل، 2010

قصيدة ريميكس\ شعر عمودى حديث وشعر عامى

وتتزاحم
وتتزاخم
وتتفاخم سفرات الطعام
موحية بكل شئ شهى
نوستالجية لمعدة فاضية
جاهزة لضربة قاضية

ممكن تكون ملوخية ؟؟

وتحوم من حول انفى
وفمى
وعيناااااى
كل دوجما
ايوان
كوووول دوجما
صح كده يا عصام؟؟؟

ماشى سيبنى اكتب بقى

كووول دوجما
لجحود الجوع
كشحات
مد اديه لواحد وقاله
حاجة لله
فاداله عشرين قرش

منتهى الجحود
منتهى الجحود
ومنتهى الاستهبال
هو انا كونت بتكلم عن ايه ؟؟

ايون عن السفرة

تلك السفرة اللتى توارت من بعيد
مع المحبوبة
مع الوطن

وتركنتى محزول الالم
فاقد الاهلية فى الحب
يتيم من دونها قلب
وحيدا من دون سكن

تلك الارجونة التى طالما واجهتها
وعصرتها عصرا
مثل الايام

طول عمرى وانا بقول كده
بس الايام بتدوس عليا
ومش لوحدى
ماهو عليك برضك

اه من هزولة الايام لنا
لامناص من ال " يمضى" فى سبيل واحد

يعنى هتمشى هتمشى
وهتدوسك الدونيا وتقومك
من على السفرة اللى بنتكلم عليها اساسا

* ماتلخبطنيش يا مرعى وحط الشاى جمبى واقعد ساكت
من ال " يمضى " نحو الحياة
من الحياة الى الحياة
هل سمعت يوما عن احد غادر الحياة
قرر مثلا ان يمضى؟؟
اصلها مش بمزاجه

نعم ....
نعم....
نعم ؟؟؟؟
؟؟؟
سنمضى فى الحياة
نتناول الخبز السن مع الصبر
نشرف البيبس مع الضجر
ننظر بعين ساهده نحو الفجر
سنظل هكذا

على تووووول
سنظل نمشى
سنظل نتكلم
سنظل نجلس
سنظل نتحدث
سنظل نتخانق
سنظل نجيب فى سيرة الناس
سنظل نشجع الاهلى
سنظل نحلم بالدورى
سنظل نجلس فى قهوة مرعى
سنظل نتحاور مع عم مغاورى
عن كل شيئ

سنظل نفعل كل شيئ
كل شيئ
كل شيئ

والاهم سنقوم من على السفرة
عشان نغسل ادينا
من بعد الاكل والكلام ده كله

الخميس، 25 مارس، 2010

يابنت التيت



وليه بقى لما الحكاية ابتدت
خبيتى عنى كل حاجة؟
ياما سالتك عايزة فلوس؟
عايزة سجاير؟
عايزة كروت شحن؟
وتقولى لاء ياعطعوط مش محتاجة
طيب مادام كده وانتى كده
بتسيبى نفسك لاى حاجة؟
تمشى مع جلال الحاتى ؟؟
بتبيعى قلبى اللى اداكى
اه والله اداكى كل حاجة
يابنت التيت

وكمان يقولى مرعى صاحبى
شافك ماشية فى العتبة
مع عونى بتاع الازاز؟
كده خلاص
كده خلاص
كده خلاص
كده خلاص
هو انتى تاكسى ولا موزة وازازة؟
يابنت التيت

ماهى غلطتى موش غلطتك
قلبى رميته فى جزمتك
ماهو قلبى برضه ابن تيت
كده خلاص
كده خلاص
وقال كونت بقول تبقى جوازة
يابنت التيت

المشكلة ان قلبى اصله خ**
مش مهم
المهم انى خلاص قفلت منك
هابعد عنك
زى نوجا
زى لميا
زى موزة
زى شادية
زى كل بنت تيت
يا بنت التيت
يابنت التيت

اوى اوى اوى

ننا بنحب بعض اوى اوى .....
كانت بنت ناس اوى
وانا حبيتها اوى
ومقام الرفاعى حبيتها اوى
اوى اوى اوى
وفى عز الحب ده كله
قالتلى حبيتك اوى اوى
بس زعلنا فى يوم مع بعض
فيه حد وقع ما بيننا
راح الحب كله
انا كنت عايق
ولسه عايق
اوى اوى اوى اوى
وسابتنى بنت الناس
قالت عطعوطى خلاص
من يومها وانا محتاس
اوى اوى اوى اوى
اتجوزت واحد خنيق
كان عنده محل كشرى
بيكسب اوى اوى
الله يرحمك بقى يافوزى
رحت جنازته لقيتها
حزنانة اوى اوى
مش علشان فوزى لاء
عشان الورث
كتبه لابنه اللطخ سامى
واتغاظت هى اوى
بصينا فى عنين بعض
طلعت سيجارة من جيبى
قولتها معاكى كبريت؟؟
طلعت من عبها ولاعة
قربنا من بعض اوى
قالت معاك سيجارة كمان؟
اصلى خرمانة اوى
قولت ماتيجى نتجوز
قالت لى صعب اوى
قلتلها يا بنت الناس
جربى عطعوط حبيبك
احلى شيئ فى نصيبك
اللى بيحبك اوى

برضه قالت صعب

سبت العزا ومشيت
وبفكر فيها اوى

رحت قهوة مرعى
طلبت منه قهوة
كان سايسة اوى
سرحت فى دنيتى
ياحوستى ياداهيتى
قلبى اتهبدل اوى
بعت يجيبلى شيشة
قعدت جنبى حجازى
يقرالى بختى فى شيشتى
حجازى استغرب اوى
اوى اوى اوى
قالى يا عطعوط مسكين
قلبك دبحه السكين
من غدارين اوى
ركز فى شغلك وانسى
وابعد عنها اوى
انا قلت خلاص هنساكى
ايوه خلاص هنساكى
هنسى جرحى معاكى
واقوم م الصبح بدرى
افتح محلى
وادخن شيتشتى
" من عند مرعى "
واتمشى براحتى
وابعد فى الدنيا هناك اوى
اوى اوى اوى