المشاركات
حاسس انى تعبت
اه وكمان فيصت
وكمان اتغلبت
م الدنيا
ومن نفسى
وحاجات مالهاش عدد
مش فاكرها كلها
بس فاكر منها
شوية حاجات عاملة التعب
اولها عمرى
تانيها قلبى
تالتها عقلى
رابعها بيتى اللى انخرب
اقول كمان؟؟
عن المكان ولاالزمان
اللى انسان فيه اتوجد ...
ماهوش عاجبنى
ولا اى حاجة
مابقتش بحلم
مابقتش بندم
مابقتش بارسم خطة لبكرة
ماهو كل ترتيبى انضرب
يبقى اعملها تانى ليه؟؟؟
مابقتش بعمل حاجة الوقتى
غيرالتعب
وغيرالدعا ارحم يارب
ياتشوفلى حل
ياتشوفلى حل
ياضيفنى ساكن ف الترب
ليست هناك تعليقات:
إرسال تعليق