الخميس، 22 سبتمبر 2011

عارفة الكلام؟؟



عارفة الكلام؟؟
كل الكلام اللى قالوه  فى دنيا الحب؟؟
مايكفنيش علشان اقول :
كلمة باحب

وهقولك ايه؟؟
برضه الكلام هيبقى كدب
اصلى بعيش اجمل احساس
اجمل ما بين السما والارض

يبقى الكلام على لسانى 
ولما اقول يتوه بالى
لما تكونى ادامى
عشان بحبك
يا اجمل حد

الخميس، 28 أبريل 2011

نصوص قديمة فى الحب الجزء الاول ...ادم وحواء



نظرا الي بعضهما وبدء يتعرفان علي كلاهما اكثر , هو راها كائنا جميلا رقيق الجسم وحسن الخلقة شعر انه ينتمى لها

هى نظرت له ولتكوينه العضلى الكبير شعرت بألفة لوجوده وكانها تعرفه منذ زمن طويل ..صحيح انه لم يمض على وجودهم على هذا المكان اكثر من ساعات ولكنها لم تعرف سبب هذا الشعور

ابتسمت له وارادت منه ان يتحدث

اراد منها ان يعرف اكثر عنها وعن عالمها

فهى اصل ووجودلا يعرف عنه شيئا

تسائل عن تلك المشاعر الغريبة التى يشعر بها فى هذا الوقت,,,

من يعرف كيف تولد هذة المشاعر وتتشعب فى النفس!!!!!!

...

وبدأ الكلام

************

حواء : هل انت متعب؟

ادم : ربما, لايعرف اى منا كيف بدأ ذلك

حواء : نعم

ادم : فى ايامى الاولى كنت اشعر بشيئ ما نحوك , كنت انتظر ميلادك ...

كنت انتظر يقظتى فى هذا اليوم لاجدك جوارى

حواء مقتربة منه اكثر وهى تلمس وجهه : تماما كما تخليتك

,حلمت بذلك كله من قبل ...اخبرنى كيف تشعر؟؟

ادم : لم اعتد التعبير عن نفسى ولكن تعلمت الان تلك اللغة النبيلة

انا فعلا احيا فى الفردوس...

تضحك هى

ادم: هل سيرضى الاله عننا الان؟؟؟

حواء: اولم يكن وجودى الان بامر منه ؟؟؟

ادم : وماذا عن الملائكة ؟؟هل سيعتبروننا لصوصا ندنس الفردوس بالحب؟؟

حواء :الحب ليس جريمة بل هو اجمل شيئ فى الحياة والخليقة كلها , هم لم يعرفوا معنى الحب

ادم : اخشى ان يكون الحب هو تمردنا على نظام الفردوس

حواء : لاتقل هذا , الله خلق الحب من قبل ان يخلقنا اصلا..الم ترى هذين العصفورين هناك كم هى سعيدة بجوار بعضهما

الحب هو اصل كل نظام

ادم : انتى اجمل شيئ فى هذا المكان

انا ليس لى اهل

حواء : وانا ...ساكون لك الاهل والزوجة والصديقة والام والاخت

ساكون حياتك

فهل تقبل ذلك؟؟

ادم : اريد منك ان تكونى جوارى دائما . تكونين الامل باوقات ضعفى

حواء : ساكون اكثر من ذلك لك

ادم : ما اسعد هذا الميثاق ..الان تعرفت الى معنى الحياة هنا

الخميس، 24 مارس 2011

امنية نسيتها وافتكرتها اليومين دول...



نفسى ابطل افتح قلبى
نفسى اتعلم ادارى واخبى
دايما ابص الاقى جوايا
طفل صغير لسه بيحبى
****

ايوه انا حاسس بيه وانا عارفه
إ نما دايما باكل حقه
مش مستحمل كلمة يقولها
خايف منه ينطق ضدى
****
فات من عمرى سنين وانا لسه
عايش طيب جوايا رقة
ماتعلمتش طبع الدنيا
مشكلة عندى اسمها قلبى
*******
مرة سألت نفسى سؤال:
فيه شيئ جميل جوايا مازال؟
طيب على احسن الاحوال
...
الدنيا ليه بتسرقه من عندى؟؟؟
****
سبتها تاخده من جوايا
لكن لسه عذاب ويايا

لا اتعلمت طباع الدنيا
ولا اتعلمت اصالح نفسى
****

اتكتبت الساعة 12 بالظبط النهاردة


جوايا كلام كتير عاوز اقوله
انما مش عارف اقوله
وعشان كده سهران الليل بطوله
اتمنى يطلع من جوايا
يخف اسايا
اصل السكوت عزف فى حياتى سولو
******

اسرار كتير
وحاجات كتير
كل شيئ وليه اصوله
*****
امتى الكلام ؟؟
امتى السكوت ؟
امتى الملام ؟
اهو ده السؤال
اللى ياما بحثت حلوله
24/3/2011
الوقتى حالا كتبتها

الأحد، 13 مارس 2011

egyptian voice ثوت مصرى: انا عربى لاتهم ماجنسيتى والاهم هو كرامتى...

egyptian voice ثوت مصرى: انا عربى لاتهم ماجنسيتى والاهم هو كرامتى...

يوم الغضب السورى:

انا عربى لاتهم ماجنسيتى والاهم هو كرامتى...



ادعو كل حر وصاحب رأى زيارة تلك الصفحة والوقوف جوار احرار سوريا امام طاغوت ظلم يجثم على صدورهم عشرات السنين...

اخواننا بسوريا فى حاجة الى دعم نفسى ومعنوى فى يوم خروجهم المشروع للحرية ضد بشار الاسد ونظامه الفاشى

لايختلف اى نظامعربى عن الاخر كلها وجوه واحدة

بشار الاسد هو مبارك هو بن على هو على صالح هو القذافى تعيششعوبهم مكبوتة منذ سنين
وتريد الخروج

لذلك ساخرج يوم خروج احرار سوريا واتظاهر امام جامعة الدول العربية وامام السفارة السورية

كما فعلت مع اخوانى اليمنيين والليبيين

يارب نصرك ونور وحدتك للعرب
يارب حلم ونفسنا يتحقق:
وطن حر ومتقدم والاهم :
امة واحدة

السبت، 8 يناير 2011

wht????




(1)
تعمل ايه لما :

تلاقى اقرب الناس ليك
, يكدرك ويضايقك
غاوى دايما يجرح مشاعرك
كانه عاوز يقولك
هتعمل معايا ايه ؟؟؟


(2) وتعمل ايه لما :
الدنيا من حواليك تجرى بسرعة الصاروخ
وانتا تنادى بصوت مبحوح
وصوتك يروح
نفسك تعدى لشيئ مسموح
نفسك تقول انا موجود
فيه كام دليل انى موجود
لسه بعيش رغم القيود.......
ومحدش سمعك ...


(3) وتعمل ايه :
لما تنادى بعلو الصوت
وماتلاقيش حد سمعه ؟؟
حتى انتا نسيت
ان كان حد بيهمه
متعذب ؟؟؟
ماتتعذب
ماتضرب ماتقلب
وهما مالهم ؟؟
مادام اسمه ايه ده بعيد عنهم
يبقى خلاص
خليك مخنوق

(4) وتعمل ايه فى اهم حاجة :

لما تحاول تغلب كل حزن يعيش جواك
تلاقيه مصمم يبقى معاك
يتوحد انتا وهوا سواء
يلون كل حياتك دمه
حتى عينيك ماتشفش غيره
ساعتها تعرف حقيقة غريبة :

الحزن بس
فيه بركة غريبة!!!!


الثلاثاء، 30 نوفمبر 2010

لما بتكون لوحدك




سئلت نفسك سؤال؟؟

بتعوز ايه لو كنت وحدك؟؟

عارف تجاوب ولا اقولك؟؟

ممكن تشوفها اجابة سهلة

لكن الجواب عاوزله مهلة

ماهوش كلام يترص وبس

ماهوش كده اى عبط

الوحدة وحشة

بالذات لو دنيتك كانت قفشة

وياسلام ...

ياسلام بقى لو صحابك واهلك كانو هناك

وانتا هنا بتعد وقتك

الوحدة برضه بتبقى وحشة

لو كنت عايش فيها بمبدأ

ان كنت عايش فيها بطل

هتشوف ايامك فيها احلك

هتسب هتلعن

يوم ماجابك فيها اهلك

وهتبقى اصعب ,

وقت الاسود ماراحت السيرك

وقت الفوارس ماعدو السلك

وقت ماكل كلب فيها بيسلك

الوحدة اصعب لما تعيش

ماتلاقى نصيب ليك ف وطنك

ماتلاقى حتة تمشى فيها

ماتلاقى حتة تبكى فيها

لو يوم تعبت من همك

الوحدة اصعب لما... ولا بلاش

وكفاية كده ياعم

الجمعة، 10 سبتمبر 2010

وبس على كده




حاسس انى تعبت
اه وكمان فيصت
وكمان اتغلبت
م الدنيا
ومن نفسى
وحاجات مالهاش عدد
مش فاكرها كلها
بس فاكر منها
شوية حاجات عاملة التعب
اولها عمرى
تانيها قلبى
تالتها عقلى
رابعها بيتى اللى انخرب
اقول كمان؟؟
عن المكان ولاالزمان
اللى انسان فيه اتوجد ...
ماهوش عاجبنى
ولا اى حاجة
مابقتش بحلم
مابقتش بندم
مابقتش بارسم خطة لبكرة
ماهو كل ترتيبى انضرب
يبقى اعملها تانى ليه؟؟؟
مابقتش بعمل حاجة الوقتى
غيرالتعب
وغيرالدعا ارحم يارب
ياتشوفلى حل
ياتشوفلى حل
ياضيفنى ساكن ف الترب

الاثنين، 12 أبريل 2010

قصيدة ريميكس\ شعر عمودى حديث وشعر عامى

وتتزاحم
وتتزاخم
وتتفاخم سفرات الطعام
موحية بكل شئ شهى
نوستالجية لمعدة فاضية
جاهزة لضربة قاضية

ممكن تكون ملوخية ؟؟

وتحوم من حول انفى
وفمى
وعيناااااى
كل دوجما
ايوان
كوووول دوجما
صح كده يا عصام؟؟؟

ماشى سيبنى اكتب بقى

كووول دوجما
لجحود الجوع
كشحات
مد اديه لواحد وقاله
حاجة لله
فاداله عشرين قرش

منتهى الجحود
منتهى الجحود
ومنتهى الاستهبال
هو انا كونت بتكلم عن ايه ؟؟

ايون عن السفرة

تلك السفرة اللتى توارت من بعيد
مع المحبوبة
مع الوطن

وتركنتى محزول الالم
فاقد الاهلية فى الحب
يتيم من دونها قلب
وحيدا من دون سكن

تلك الارجونة التى طالما واجهتها
وعصرتها عصرا
مثل الايام

طول عمرى وانا بقول كده
بس الايام بتدوس عليا
ومش لوحدى
ماهو عليك برضك

اه من هزولة الايام لنا
لامناص من ال " يمضى" فى سبيل واحد

يعنى هتمشى هتمشى
وهتدوسك الدونيا وتقومك
من على السفرة اللى بنتكلم عليها اساسا

* ماتلخبطنيش يا مرعى وحط الشاى جمبى واقعد ساكت
من ال " يمضى " نحو الحياة
من الحياة الى الحياة
هل سمعت يوما عن احد غادر الحياة
قرر مثلا ان يمضى؟؟
اصلها مش بمزاجه

نعم ....
نعم....
نعم ؟؟؟؟
؟؟؟
سنمضى فى الحياة
نتناول الخبز السن مع الصبر
نشرف البيبس مع الضجر
ننظر بعين ساهده نحو الفجر
سنظل هكذا

على تووووول
سنظل نمشى
سنظل نتكلم
سنظل نجلس
سنظل نتحدث
سنظل نتخانق
سنظل نجيب فى سيرة الناس
سنظل نشجع الاهلى
سنظل نحلم بالدورى
سنظل نجلس فى قهوة مرعى
سنظل نتحاور مع عم مغاورى
عن كل شيئ

سنظل نفعل كل شيئ
كل شيئ
كل شيئ

والاهم سنقوم من على السفرة
عشان نغسل ادينا
من بعد الاكل والكلام ده كله