المشاركات
نفسى ابطل افتح قلبى
نفسى اتعلم ادارى واخبى
دايما ابص الاقى جوايا
طفل صغير لسه بيحبى
****
ايوه انا حاسس بيه وانا عارفه
إ نما دايما باكل حقه
مش مستحمل كلمة يقولها
خايف منه ينطق ضدى
****
فات من عمرى سنين وانا لسه
عايش طيب جوايا رقة
ماتعلمتش طبع الدنيا
مشكلة عندى اسمها قلبى
*******
مرة سألت نفسى سؤال:
فيه شيئ جميل جوايا مازال؟
طيب على احسن الاحوال
... الدنيا ليه بتسرقه من عندى؟؟؟
****
سبتها تاخده من جوايا
لكن لسه عذاب ويايا
لا اتعلمت طباع الدنيا
ولا اتعلمت اصالح نفسى
****
اتكتبت الساعة 12 بالظبط النهاردة
ليست هناك تعليقات:
إرسال تعليق